Ака  уйăхĕн  19-мĕшĕнче   Шĕнерпуçĕнчи   шкулта   И.Я. Яковлева   халалласа   чăваш   чĕлхи   эрни  пуçланчĕ.  

    Пĕрремĕш   кунĕнчех   туса   ирттермелли    ĕçсен   планĕпе    чăваш    чĕлхи   вĕрентекенĕ    Н.А. Петрова   шкулти  линейкăра   паллаштарчĕ,   ачасем  тÿрех   ĕçе   тытăнчĕç:    сăвăсем,   сочиненисем    çырма;    стена   хаçачĕсем    кăларма,   презентацисем   тума   пикенчĕç.

      Шкулти   вулавăш   хуçи    Т.П. Андреева   тăрăшса     «И.Я. Яковлев  -  чăваш   халăхне   çутта   кăлараканĕ»     ятпа    кĕнекесен   выставкине   илемлĕ    йĕркелерĕ.    Кунта   И.Я. Яковлев,   унăн   калавĕсем,    Чĕмпĕр   чăваш    шкулĕ,  чăваш    чĕлхи,   тăван    халăх   çинчен   çырнă    кĕнекесене    вырнаçтарса    тухнă.     Вĕсемпе   ачасем    кашни   тăхтаврах   паллашаççĕ,   нумайăшĕ   киле  те  илсе   вулаççĕ.    Хальхи  вăхăтра   вулавăшра   И.Я. Яковлев   калавĕсем   пĕтĕмпех   алăра,   чылайăшне   пуçламăш   класс   ачисем   вулама   илнĕ.   Вĕсем:   2-мĕш   класра   вĕренекен   Н. Романов,  П. Вишневский,   4-мĕш  класра  вĕренекен   К. Иванова,   Ю. Кипригина  тата   ыттисем  те.