Шăпах пĕр эрне каярах Тюмень хулинче Бичурина халалласа регионсен ăслăлăхпа практика конференцийĕ иртнĕ. Ăна Тюмень облаçĕнчи чăвашсен "Тăван" пĕрлешĕвĕн обществăлла организацийĕн пуçарăвĕпе тата асăннă облаçăн правительстви пулăшнипе йĕркеленĕ. "Бичурин вулавĕсене" чăвашсен историйĕпе культурине тата тĕнне тĕпчессине халалланă. Çакна палăртма кăмăллă, çав юбилейлă конференцие Чăваш Республики те хутшăннă, пĕрремĕш хут. Чăваш Республикинчен инçекурăмлă çыхăнăва хутшăннисен шутĕнче республикăн информаци политикипе массăллă коммуникацисен министрĕ А. Иванов, республикăн культура, национальнăç ĕçĕсен тата архив ĕçĕн министрĕн ĕçĕсене туса пыракан К. Яковлев тата Чăваш наци конгресĕн членĕсем пулнă. В. ИВАНОВА.

Источник: "Наше слово" ( Мариинско-Посадская районная газета)